nisîḧit نامەای dîgir kih az salkan tirîq ḧiqayq riwayt ast
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
617 views
ḧekîm nesayḧ henî ker beyan
tuḧfey meqbûłen pey sînf însan
musaḧebet ker herdem ba nêkan
meřane hergîz kelam ba bedan
dostan ce weqit ẍem û şeda’îd
îmtîḧanşan bawer be te’kîd
cesed cay ḧerbey tîr û sînanen
ḧerf nasza zeximş ne canen!
kîbir û ẍezeben ateş sozan
be ḧerf duşmen dostan meřencan
biker îḧtîraz herdem ce sewgend
ta ce beyn nas qewlit bo pesend
her ta cwanî bikêşe zeḧmet
şayed ce pîrî binîşî řaḧet
çwar sîfet cem bî ce zerf her merd
ewkes ce dareyn nimebo řûzerd
miruwet ba dost, mudaray duşmen
dûrî ce hewa, ḧerf tełx xurden
dû çîzen dû çîz cêş mebo mewcûd
qena’et ẍîna, ce sebir meqsûd
ne çwar çîz çwar çêz cêş mebo peyda
bizurgî peydan ne cûd û sexa
merd ce xamoşî mebo selamet
ce şukir peydan efzûnîy nî’met
nêkî pîşe ker cey dinyay denî
daym ce nêkî xêzed eymenî
netwanî çwar çîz arî be cay wêş
ne her çwar her an û zeman byendêş
ewweł waqî’ey her qezay řefte
duwem ew suxen ayed be gufte
sêyem sînin ’umir her çî baxtî
çeharem ew tîr er endaxtî
newanger her kes weneş mecbûren
dest bênewa bigêr, zerûren
sîḧḧet dareyn peydan ne sê çîz
ewweł şera’ît dîn kerî temîz
hem eday umûr perwerdigarî
hem îctînab ker ne dił azarî
«feqêPen name» nesîḧet duwem bî temam
perê pend û nusiḧ sêyem ker qyam