xałoy menziłçî serkirdekey derd
From the Book:
Dîwanî Mewlewî
By:
Mawlawi Tawagozi (1806-1882)
1 minutes
943 views
xałoy menziłçî, serkirdekey derd
temam be to bê, ay ye çêşt kerd
wextê bew gerden sîmî safewe
çun weş ẍezałan we boy nafewe
dewr mida we pêç ew kaw û berde
bo bexşanîş bê ey herd bew herde
ew bo cew teref sub nesîm mawerd
her ce dûrewe zam sařêş mekerd
xeylê dêrit kerd, aferîn çepgerd
bew bo diłşad bîm ewîşt laberd
îse ew gence, bew lar û lence
řencekerd pence, şî perê «pence»
îse ten wey zam dił wey xerîkî
dîdar wey dûrî, merg, wey nizîkî
ewlaw kê berûn ey řa û tedbîre
ax cey tedbîre, dax cey teqdîre
xeyr, meynetzedey cegyan herasan
bexte syakey wêş zûter nasan
pey fenay ew hem ce dûrîy diłber
nek carê, çwar car, allihu اەکبرArabic