yadî hêmin
From the Book:
Karwanî Xeyal
By:
Hedi (1927-2016)
2 minutes
898 views
şîrin û têraw û teř bestey lebarî hêmne
germ û nask, hest û sozî nadyarî hêmne
karwanêkî le şî’rî swar debînim dê ledûr
karwançî aşnaye, serqetarî hêmne
lew qed û lapałe, lew naw mêrg û kanî û aweda
ḧez dekem bê şengebêrî, wa beharî hêmne
zor le des sûřanî ew çerxe kesasî dî huner
dewrî şanazî edeb her řojgarî hêmne
çunke ew koşkey le ferhengî gelî kurd dandira
sengiteraşî hêmne, endazyarî hêmne
ger wefayî şîrnêkî şoxî kirde yadgar
ewřo bome gencî bê bin yadgarî hêmne
bête lam her cêye berze ta be kurdî pêy biłêm
«berzî her şayanî wajey nazdarî hêmne»
min dełêm wêney le naw dîwan û defter cêy nebû
boye mangî çarde wa awênedarî hêmne
çone hêmin wa be tenya kurdewarî girtuwe?
çone kurdistan wişêke û piř be zarî hêmne?
gerçî hêmin çû le dest emma pejarey nabřê
hêşte bo gel derdî gewre koç û barî hêmne
her diłî westa le lêdan, ew le xwêndin nakewê
şar û ladê çunke piř le şwênewarî hêmne
herçî lecyatî şî’ir agir le zarî hateder
sûr bizane řêbwarêkî dyarî hêmne
dek neyarî hêmnî, le gyanî xoy oxey neka
řojî germ û sard nebînê herçî yarî hêmne
wek mehabad şwênî diłgir, şwênî pîrozim nedî
awedan bê şarî hêmin, cê hewarî hêmne
«hêdîPen name» ta destî perî hełbestekanî maç deka
nałê ew şî’re, dełê ew sîḧre karî hêmne