perêşanî
From the Book:
Karwanî Xeyal
By:
Hedi (1927-2016)
1 minutes
1048 views
çarey xemî min mey nîye, meyxane biłê çî?
bew derdewe mey namgirê, peymane biłê çî?
pêm wa nîye lew ẍedre le firyam bikewê kes
ew dost bû wefay bom nebû, bêgane biłê çî?
biskit bide des şane, bełam çîn mexe ebro
zulfî to şine têkî deda, şane biłê çî?
her ’aşiqe sûçîşî nebê, deyxene estoy
şem agirî kirdotewe, perwane biłê çî?
tawanî mine derbederî û derdîserî min
mel xoy serî xoy hełgirê, hêlane biłê çî?
şêtî qedî to şertî legeł çoł û çya bû
zana bê be zincîrewe, dêwane biłê çî?
xałî to be perjîn û xeyał nask û sade
bêçare lenaw ew hemû pawane biłê çî?
çîrokî cwanî to lenaw lapeř û dêřa
naguncê, îtir nûserî efsane biłê çî?
tasey to ke damdegrê, dełên: axrî xêr bê
«hêdîPen name» legeł ew kone birînane biłê çî?