bo birakem
From the Book:
Karwanî Xeyal
By:
Hedi (1927-2016)
3 minutes
3776 views
nameyêkim pê geyî her wek guławî perçemit
weswesem kird ey xuda key dem binême naw demit
xozge demzanî le ẍurbet kêye bê min hawdemit
xo dezanî gyane bo min nakirê terkî ẍemit
çawekanim besye ẍurbet bêrewe
çon bijîm min to lewê min lêrewe
wêneket dermanî ser cergî birîndarî mine
wextî diłtengî bebê to her ewe yarî mine
dîtnî řûnakî bo dû çawî cobarî mine
takû lêt dûrim ’ezîzim şîwenit karî mine
çawekanim besye ẍurbet bêrewe
çon bijîm min to lewê min lêrewe
name ser dû çawî teř wênet ledûy maçkirdinî
ser diłî şêway xome cêy le paş hełgirtinî
şem’î řût bo min ḧeyatî baqîye hełkirdinî
wa le dił haławî bexwa ḧesteme labirdinî
çawekanim besye ẍurbet bêrewe
çon bijîm min to lewê min lêrewe
seyrî kurdistanî çol kem ya temî kwêstanî dił
daxî dûrî to biçêjim ya ẍemî hîzar le mil
ey xezanî ẍem biřo ba şîn bê baẍim çił be çił
ey felek ba bê beharistanî min sê çepkeguł
çawekanim besye ẍurbet bêrewe
çon bijîm min to lewê min lêrewe
şêt û maxulyay ẍemî tom gyane min dêwane nîm
mestî camî meylî tom û ehlî nêw meyxane nîm
řaste sûtanim bełam bê şem’e xo perwane nîm
xakî kurdistan dełê pêt, řołe min wêrane nîm
çawekanim besye ẍurbet bêrewe
çon bijîm min to lewê min lêrewe
gyanekem pêt wa nebê şanoy gezaf û lafme
meylî to nîşey diłî xemdîw û sîney safme
hêrşî bedxûyîte gerdûn mûkenîzey cafme
her şewî hîcranî toye mewrîdî ewsafme
çawekanim besye ẍurbet bêrewe
çon bijîm min to lewê min lêrewe
derdî dił bo kê beyan kem dił ke nalawêtewe
ew giřûy girtûye çibkem bê to jîr nabêtewe
befrî befranbare bê bay we’de qet naçêtewe
ey xuda kengî ’ezîzî ew diłey min dêtewe
çawekanim besye ẍurbet bêrewe
çon bijîm min to lewê min lêrewe
baweřî naye be jînim dił bedes cizyatewe
xoşe řûḧ derbê û becarê bîxeme jêr patewe
çunke tenya her diłêke û sed beła deybatewe
çerxî çepgerd lêm beqîne dest le min nakatewe
çawekanim besye ẍurbet bêrewe
çon bijîm min, to lewê min lêrewe
bulbul er meylî sefate bêre lay min leḧzeyek
nabê bo nałîn û sûtan qet wekû min bendeyek
min be bendî nîşedar û toş gułî sûr desteyek
to wirîngey şî’rî jêr û kew le kotrîş lenceyek
çawekanim besye ẍurbet bêrewe
çon bijîm min to lewê min lêrewe
gwêt le bendî axirim bigre heta řûḧ mawe pêm
gerçî ałoze bełam bimbûre çûn şêwawe lêm
ta be řûnakî çiray gonat debînim dest û pêm
ser leser êxey ẍemî to piř be kurdistan dełêm
çawekanim besye ẍurbet bêrewe
çon bijîm min to lewê min lêrewe