kurdistan yan neman
From the Book:
Karwanî Xeyal
By:
Hedi (1927-2016)
2 minutes
2112 views
siław pêşmergey qareman
çaktirîn řołey kurdistan
kuřî nebezî nîştiman
siław pêşmergey qareman
hełoy xwênawî ser berdan
peřkuřî řewez û zerdan
piłîngî ser şax û herdan
pêşmerge cwamêrî merdan
kuřî kurdî aza û dilêr
heste řapeře wêney şêr
le kurdistan řamêne têr
wêran bû wiłatî zenwêr
ha, biřwane ew kîjołe
bira giçkekey le kołe
çon dij damawe lew çołe
çende hejar û kiłołe
ew pîremêrdî bêtawan
řût û hejar û sergerdan
serî nawete ser berdan
kê małî lê kirduwe wêran?
dujmin aẍaye leser to
małî to dexwa befîřo
kê ma nega be mafî xo!
ême ta key destew’ejno?
ew xake xakî kurdîye
xo xawenî dîkey nîye
sebeb bo hêrşî wî çîye
kurdistane û kurd xêwîye
şeřî me şeřî jyane
şeřî baweř û îmane
legeł wetenda peymane
yan kurdistan, yan nemane
dujmin le hêrişt tasawe
qełay humêdî řûxawe
le dest û birdit řamawe
řojî řeşî leber çawe
le kirdewey řenceřoye
manî be fêł û dihoye
ew gef û germe diroye
lerzî şewnxunî toye
ba xwênî min û to bira
biřjê, sûr ka deşt û çya
yaqutî naw sewze gya
kurdistan řengîntir eka
ta biřjê xwênî geş û ał
leser kewyan debête xał
şîn deka gułan serî sał
deykene tewaf kuř û kał
katê kurdistan bû řizgar
hateder le destî zordar
kes nema be diłî xembar
bû be şayî dêhat û şar
ewsa berz ke ahengit
goranî û gałte û cefengit
ta kîj û kuř bên be dengit
maç biken luley tifengit