le bendîxaneda
From the Book:
Paşmergey Qani’
By:
Qani (1898-1965)
1 minutes
1547 views
axrîn małî jyanim kuncî bendîxaneye
em kelepçe merhemî zamî diłî dêwaneye
zor demêke çaweřwanî ziřziřey zincîr ekem
seyrî em zincîre ken, wek zêwerî şahaneye
bûkî azadîm ewê, xwênim xenes bo dest û pêy
ḧełqe ḧełqey pêwenim bo piłpiłe û lerzaneye
gerçî dujmin wa ezanê min be dîlî lał ebim
baş bizanê kuncî zîndanim qutabîxaneye
bîrî azadîm le zîndana firawantir ebê
quř be ser ew dujmine hîway be bendîxaneye
girtin û lêdan û kuştin ’amîlî azadîye
top û şestîr û kelepçe lam wekû efsaneye
çaweřwanî şořşêkim ’alemê řizgar bika
mîlletim bo ew mebeste kirdewey şêraneye
çekî şořişgêrîy min nûsîn û bîr û baweře
řapeřîne, hełmete, piř ne’retey kurdaneye
ger be azadî nejîm mirdin xełate bo leşim
nokerî û ser danewandin karî namerdaneye
qani’imPen name emřo le zîndana be azadî ejîm
sed hezar leḧnet lewey wa nokerî bêganeye