nameyek bo cenabî şêx ’usmanî byare
From the Book:
Sirwey Berbeyan
By:
Qani (1898-1965)
2 minutes
978 views
perêşanîy diłim emřo be hîway lutfî ’usmane
ke xakî meqdemî bê şik, deway derdî dił û gyane
egerçî her dyar nîm û be çeşnî zeřře napeydam
bełam derkewtinim qurban be şu’ley şemsî tabane
çi xoşe hełtirûşkanê le ber qapîy muradî to
be şertê toş biłêy yaran ewe yaroy merîwane
mela nazî be ’îlme; sofî, fexrî wîrd û ewrade
minîş ummêdî dareynim lelay to lutfî carane
mefermû bo nehat, ełbet nemawe şor û îxlasî
bizane manî’im pîrî û xetay serma û barane
le bîrim dê ke îmzam «qani’ al’ismanîArabic» danabû
biłêm çî êste bedbextim, ełên munkîr be şêxane
be çawî batînî biřwane qurban bo derûnî min
ezanî qani’Pen namem meḧkem le ser ew şerit û peymane
wełamî şêx ’usmanî byare bo qani’
qani’ le ḧeşarî kewkuştina ke «kołît»yişî pê dełên be parçe hełbestêk nameyek bo şêx ’usman enûsêt, em şê’raney xwarewe wełamî ew nameyey qani’e.
hoşyarî ḧeşarî xîredî derkî neçîran
seyyadî kewî zîrekî murẍanî sibeynan
çend xoşe sibeynane ke gwê degrî le dengî
nezzare dekey xałî mil û lenceyî ceyran
ew kate ke pêkat be peykanî xedeng
yařeb neşkê penceyî sermaşeyî şêran
bîke be kebabî fiřnî kureyî sîne
sînem ke şerarey kûreye û lehbetî nîran
anê ke çizey dêt û piřuzey serî sîxî
şêxê, benezer bêne piřuzey diłî biryan
çun şubhetî kizey cergî mine zû bike yadim
yařebbî hemû seydî to bê teyrî merîwan
pol polî kew û qaz û qułing, sone û kotir
gîrodeyî dem dawî to bê kêwî şemêran
herçende ke neynêrî beşî min nîweyî řanî
her bew xebere qani’e dił, meylî be seyran
çi bikem le dił û talî’î keçřewtî zemane
min mamewe kembext wekû xanî «sipêran»