yaran kerden řêş
From the Book:
Dîwanî Welî Dêwane
By:
Wali Dewane (1826-1881)
1 minutes
1006 views
yaran kerden řêş, yaran kerden řêş
ye cerg minen xaran kerden řêş
ye dîdey minen nûr nemenden têş
ye zam minen zuxaw meyo lêş
ye dûd minen dinya girt newer
ye soz minen sozan deşt û der
ye ah minen we asman yawa
seqif seraçe gerdûn şikawa
ye seday minen nefix sûr bêzan
wexten qyamet meḧşer engêzan
ye nałey minen çun ney medo deng
meyo we qanûn metawno seng
ye zarî minen pose zigaren
’ałem ce zarî min bê qeraren
ye şîn minen şewan ta be řo
çun «qeysPerson» mecnûn ham ne bêd û ko
ye wêłî minen ce sub ta êwar
dewr medo ne dewr sara û serdyar
ye dax minen daxan ce daxan
dax kerden laley herd êłaxan
hamseran wexten wadey mergim bo
min ce dûrî dos gułgon bergim bo