babetî23
erkanî nwêj
From the Book:
Baranî Řeḧmet
By:
Abdul Karim Mudarris (1901-2005)
2 minutes
811 views
erkanî nwêjit nozdeye temam
leser mezhebî şafî’î humam
řuknî ewwełî nawî nyete
lebo kirdinî ferzî ew wexte
legeł nyeta «alilّh akbirArabic»
bo muqarene mekewe xeter
lelay ehlî ’îlim ẍeyre xafîye
ke muqareney ’urfî kafîye
sêhem û çwarem fatîḧe û qyam
lebo twana û danay saḧêb fam
qyam emeye ke zincîrey pişt
heta etwanî řêk bwestin gişt
pêncem řikû’e, wa textî tewêł
legeł ber ejno řêk bê, bebê fêł
şeşem î’tîdal berz biberewe
wa ke řawestay le ewwełewe
ḧewtem sucdeye heta etwanî
tewêł be řûtî le zewî danî
sikî pencey pê û ejno û berî dest
danêyte zewî be hêz û mebest
ejno dapoşîn ferze û zerûret
çunka daxiłn le ḧeddî ’ewret
heste û danîşe eme heşteme
sucdey dwayî řuknî noheme
lem pênc erkana manewe ferze
pelepel meke bewêney herze
teḧyatî axir řuknî pazdehem
danîştinekey řuknî şazdehem
řuknî ḧesdehem paş em teḧyate
siławat leser şay berîyate
hejdehem selam, axryan tertîb
wekû řabûran, ey biray necîb