nesîmî badî newrozî şemîmî ’ebherî hêna
From the Book:
Dîwanî Wefayî
By:
Wafayi (1844-1902)
3 minutes
3001 views
nesîmî badî newrozî şemîmî ’ebherî hêna
berîdî ’aşiqan dîsan peyamî diłberî hêna
newîd, ey ’aşiqanî diłifgar! yar hate ser xende
seła, ey bulbulan! dîsan dirextî guł berî hêna
meger řêy kewte zulf û řûy ḧebîbim badî newrozî?
ḧeyatêkî be dinya da û boy guł’enberî hêna
be fetḧî dił dełêy yar zulf û sîne û řûy wedernawe
le nesrîn û guł û sunbuł behar hat leşkerî hêna
dełêy çawî mine hewrî beharî dem be dem degrî
dełêy ahî mine berqî direxşan awrî hêna
hewa çû piř be damanî der û deştan, gułî kêşa
seba hat piř be ceybî kohsaran, ’enberî hêna
le nêw bezmî wenewşe û cokenaran, lale peyda bû
be tarîkî xizir bo çeşme şay eskenderî hêna
ke îslamî behar fitway cîhadî kafrî dey da
sinewber nêze, gułbun gurz û sosen xencerî hêna
nîsar’efşan be payendazî sułtanî behar hatin
semen dîba, şeqayq etłes û guł mexmerî hêna
le şayî dare, guł mesnednişîn bû hate pişkûtin
çemen textî zumuřřud, guł le yaqût efserî hêna
le bezmî nêrgis û nesrîn be def’î çawezarî guł
wenewşe deste deste ’ûd û, lale mecmerî hêna
le meyxaney çemen bezim û terebyan girt qedeḧnoşan
şeqayq bade, zenbeq şîşe, nêrgis saẍerî hêna
le çehçey saz û neẍmey ’endelîban sût hemû dunya
sedayî tarzen, awazî xoşxiwan, awrî hêna
ḧîkayatî ẍerîbî pêye bulbul cumle xokirdî
dełêy çaparî êran řojnamey exterî hêna
be şewqî řûyî lale û guł le baẍan wa çiraẍane
dełêy baẍî cînan emsał berî ḧor û perî hêna
le gułşenda řeyaḧîn mest û şadabî heway xoşin
dełêy řîzwane bo ehlî beheştî kewserî hêna
şikofe û guł be xende û ’îşwe aramî derûnyan da
behar bo xestekanî xoy çi şîr û şekkerî hêna?
be zerd û sûrewe xemłîwe bo damadî bulbul hat
wereq mî’cer, erz gułgûne, şewnim zêwerî hêna
hemû kes çaweřûnî lêk deken wek surmeyan dîbê
meger badî seba xakî guzarî diłberî hêna
çi diłber? aftabî mahřûyan û şekerlêwan!
be xendêkî le seḧra guł le derya gewherî hêna
be bê şabaşî ser, be qisey wefayîPen name gułçira nabê
ke bulbul her zimanî hen, we perwaneş serî hêna