seru sawewe
’eşrey bê nuqte
From the Book:
Şî’rekanî Turkemîr
By:
Turk Amir (1750-1820)
1 minutes
797 views
seru sawewe ...
du guł ha we sedir seru sawewe
seru’asa sewday ha we hewawe
sewdam wew du guł ’er’er mewawe
serim sersam kerd kiłas ser řem
madey midewerey gerd guł we dem
seḧerga mama wew esasewe
wew du merdumek midewer masewe
lwam îlḧaḧim kerd wew kul derdewe
lałam we lałkey aḧ serdewe
sem’ da we sidam, řeḧim awerdewe
swałim we le’il lulu kerdewe
ewsa wew kelam gewherwarewe
merhem da wew derd derdedarewe
mîhir mang sumay mîhir aławe
sumay mîhir û mang herdu aławe
dił we weswase diłaramewe
gaga memirdim ga mamamewe
erwaḧ řû ela řûḧim řemawe
guřaguř dûdey derdim demawe