îbtîda be nam ḧî la yimut
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
3 minutes
430 views
îbtîda be nam ḧî la yimutArabic
řazq û řezaq mûr û ’enkebût
esił û fer’ çun yek gişt bîyen mexlût
řizq qelîl bîyen qût layemût
’alem bê eqwał nedaran sibût
çey wext û zeman lazmen sikût
fîrqey yaristan gişt bîyen perpût
îtîfaq nîyen çenî yek merbût
teqdîr qîmet katib alxilutArabic
me’lûm bo çe lay fîrqey qewm lût
nwîsnay kaẍez bîst fils temam
î’lanim kerden perê xas û ’am
ucret qîmet hem kaẍez wane
çehar filsen webê behane
nwîsnay kîtab setrê yek fils
beyan bo çe lay qewm nadrûs
do’ay nezłe biř bîst û pênc fils
me’lûm bo çe lay qewm yeqîn sis
do’ay te’be biř yek çareg dînar
qîmetiş kemen weçar û naçar
do’ay bazûbend ye’nî nîm dînar
çe kîtab cefir me’lûmen îzhar
seyr tał’ kerden we bîst filsen
er sed bwaçan mełła muflîsen
tertîb adab hem perê ...Missing
we de filsen beyan bo qîmet
tertîb do’ay hem ḧelil merbût
we çwar sed fils be ẍayet mezbût
do’ay bîmaran etfał seẍîr
we çwarde fils kerem ker teqdîr
do’ay bîmaran eşxas kebîr
we hejde fils me’lûmen diłgîr
weheşt filsen cenabit erqam
î’lanim kerden perê xas û ’am
ucret qîmet hem ’eqid û nîkaḧ
wesêsed fils me’lûmen mubaḧ
meḧebbet name perê je me’yûs
çe lay mêrd wêş bibo xoşewîs
penca filsen hem ’elyal’ûsûł
sawer û dandok hem kerom qebûł
do’aye dîger bo ḧel şeq wesên
ey fîrqey jenan me’lûmen qurşeyn
do’aye henî pey xewf û xeter
weçil filsen me’lûmen yekser
do’ay gûşa dił bext duxteran
we sêsed fils me’lûmen ’eyan
ḧeqel’eza’îm pey mał serqet
hem we pênc řupye me’lûmen qîmet
do’ay têẍ bend îmam ’elî
we pênc sed fils me’lûmen bellî
do’aye henî ye’nî gulle bend
we dû dînaren webê çun û çend
do’ay dîger bo tifił xoł xor
qîmetiş me’lûm yek mirîşkê sûr
ẍeyr ez mełłayî nedaro sen’et
sermayem êden bê mize û minnet
her kes řazîyen we mu’amełe
me’lûm ew şexse ẍayet kamłe
her kes wey qewłe bibo dił giran
me’lûm ...Missing çe fîrqey ...Missing
er pare nebo ḧunte ya şe’îr
mumkînen çe lay dewłemend feqîr
we qewł î qanûn mo keran řeftar
înasen zikûren sîẍar û kîbar
herkes çî qanûn kero îxtîlaf
çe lay xudawend hîç nimebo ’af
sed ḧeyf nemenden mêrdan seřaf
gewher şunasan dûren çun koy qaf
ye mełła waten řence řoyî yen
sakin maway ’ereb koyî yen