aẍa bê ’elef
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
386 views
aẍa bê ’elef ...
me’lûm cût naka gaw webê ’elef
yařeb bikyanî pêşînen selef
mełła bê çayî mebonê betref
bêzarim çe dest nefis na xełef
pey te’ney nakes dił bîyen hedef
’eceb aşûben şimşêr ne řûy kef
dirwêşan fîrar bêzar bîn le def
herdû la ḧazir leşkir sefa sef
mełłay bê baweř yekser bî kenef
çe dunya nemend ḧurmet û şeref
çe tokił şamî mekeran sedef
mebo fîrar kem pey qeryey şenef
gişt îcbarîyen webê mukellef
ẍemnakim çe dest qewmanî eḧlef
cahîl û nezan xełqan delef
sed ḧeyf neycage řoḧ kerdim telef
meḧrûmim çe bezim ew badey qerqef
axirş hîç bî çend ’umir kerdim serf
řûsyaw xeceł dił serd wêney berf
nwîsnam yek kîtab we sî û dû ḧerf
teḧqîq mekeran çe dîwan ’erf
taze meqbûłen qedîm maçan xerf
me’na meẍlûqen siř ha çe toy zerf
eweł we řecay şay swar řef řef
duwemîn wehîmmet padşay necef
bo teme’ exon qesem û ḧelef
beła amaden anîfen enef