bira mestenî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
260 views
bira mestenî ...
me’lûm bî ce lam temam mestenî
laqeyd ce watey xam û gestenî
batînen diłşad zahîr xestenî
mey noş ezeł koy elestenî
çenî ey feqîr ham peywestenî
coyar baqî hem ser mestenî
cewlander xas pêş û pestenî
pey şerit û şirût kemer bestenî
we’dey sał mar weneş destenî
giftarit lizîz her çe nîstenî
batînen abad derûn hestenî
derûn piř ce ’îşq buryan cestenî
merd mubarz keman şestenî
perê nezanan kem hewestenî
perê zihûrat ḧukim wedestenî
dîg zemîr saf ẍayet çestenî
wecagey meqsûd temam řestenî
ḧirs û nefis kuşte her çe qestenî
giroy munkîran to şiksitenî
’endelîb asa ce qefesenî
zelzeley aşûb ’ebid û şestenî
xoşewîst zat çwar û heştenî
řewşen zeyn û saf dił beheştenî
be wêney mecnûn wêł deştenî
heragêł çoł neko nîştenî
erkan yarî temam řeştenî
wedest gumřahan dił şiksitenî
daym ce seyran seḧra û geştenî
hunermend xas hem zor miştenî
perê yaristan qeła û piştenî
saḧêb qehir û qîn ce xo řiştenî
fîday yaristan pey heq řeştenî
muxłîs qedîm pişteł piştey
ustad mî’mar saḧêb xiştenî
sakin û sikût xełwet nîştenî
wêney sya wexiş xûn çe teştenî
çun tûtî asa çe gił geştenî
şirab alḧirîrArabic mize çeştenî
çun hewr řeḧmet baran weştenî