ḧacî azarî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
377 views
ḧacî azarî ...
şew û řoj daym ham ce azarî
penaman we zat şay xawendikarî
dewranê řastî baro digarî
zułim û te’edda merdim azarî
nemenden ce yad fîkir dîndarî
załman meẍrûr han ce înkarî
giriftar mewan we derd karî
wêney dar bîd bê mêwe û barî
feqîran hîlak han ce fîrarî
firyad řesmanen çapûk swarî
ha çe toy ẍeybî perdey pêwarî
înqîlab mebo ce beẍdad şarî
dû zat new cage mebo îzharî
xûnî şehîdan ce giroy ẍarî
mestanan we zor we qîn û qarî
na’îbî eweł mebo aşkarî
dest nêj mekeran twîl çinarî
jêş peyda mebo çend hezar darî
mestanan heq ḧuseyn nazdarî
fîrqey nîk etwar mîr ser karî
giroy ... mo xaksitarî
yek yek beyan mo cey sał marî
beyanş kerden zat defter darî
’edil û ’edałet yekser mo carî
xewer dar xas mîzan û qarî
wexten xełas bîn ce şew tarî
řoşnayî ama meyo neharî
yawa we goşim seday hawarî
seraser yaran bî řestigarî
panizde mesre’ eş’arî ẍerîb
wa kyanam we lat ustadî tedrîb
zamdar selamet ḧazren tebîb
we’de nemenden zihûren qerîb