bira ciẍare
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
375 views
bira ciẍare ...
şineftim kerdit terk ciẍare
nîgadarit bo padşay hezare
hezar aferîn cey fîkir û kare
hezar çwîn mełła bot xizmetkare
ḧezretî çayî bîyen serdare
hezarê çun min kerden aware
sebûrît çayen biray ẍembare
newaçî mełła merdê wekare
êstake dewran fîrqey bê’are
’aqłan sakin goşe û kinare
mełła giriftar nefis bedkare
meqbûłim kerden nefis emmare
delîlman çayen şeker pîrmane
şew û řoj namş her çe wîrmane
dunya xapûr bo we saq ...
herçî nwîsya bo çe teqdîrmanen
eger azanî çayî biker terk
mewî ẍułamit ta we řoj merg
nimeyo we dad ey kuře kuře
ciẍaret terk kerd pey koke ...Missing tiře
ce dax dewran mełła man wiře
êstake dewran wextî munkîre
ce giftar xas diłim zor piře
îcaze nîyen destim çun siře
zor muştaqtanim gyan seyîd ḧeme
řewneq meclîs zewq zemzeme
wixten xełas bîn cey toz û teme
hîmetman ḧeqen çiraẍ û şeme
henî kafîyen biray meḧreme
#
we panze řeqem îkmal bî geme