bira gyan xerab
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
501 views
bira gyan xerab ...
dunya nemenden wexten bo xerab
be ḧukim bêçûn padşay wehab
me’mûr amaden wete’cîl û tab
’îşq derûnim weytewr kerd ḧîsab
cey sał marda mebo fitiḧ albabArabic
dił yaristan megêro ḧubab
nêkan xełas bo bedan dił kebab
ḧurmet qelîlen ce dost û eqrab
merdan çenî zen bîyen we erbab
cahîlan meraq temûre û řobab
’aqîlan medfûn fî tiḧit altirabArabic
mubtelay fisqen şêx çenî şebab
bê qedir û qîmet her çehar kîtab
hezaran ama çun efrasyab
cey deryay fanî nîgûn bî ẍerqab
cey bendey feqîr negêrî ’îtab
ẍułam wetwen ey ’alî cenab
’alem pey cîfe meko îrtîkab
le ef’al bed naken îctînab
cerg munkîran kêşan we qulab
bedan mo telef gird bê kifin û ab
amam we xizmet we te’cîl û tab
ce ’îd newroz mewîn kamyab
aşnay ezel bîyen we ecnab
bêganey ebed bîyen we eḧbab
bîyen we ’edû firzend çenî bab
şeban ta we řoj hîç nedarom xab
namey şîrînit lefiz xoş me’ab
yawa we destim wanam we şetab
derûn řewşen bîm be wêney aftab
tarîkî řem kerd bî we mahtab
wedest heqen er xêr er sewab
ẍafił nimebo derwêş tewab
hefit nazir ḧazir menden hefit nwab
ewşanîş mewcûd mekemel esbab
wext şadîyen biray xoş elqab
penaman berden we awlu albabArabic
daxił mo weyek ’ecem û e’rab
seyl xûn řahî mebo wêney ab
giftarim lizîz engûr û řutab
mezen pey demaẍ yaran xoşab