bira xiroşan
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
438 views
bira xiroşan ...
seraser ’alem pey ceng xiroşan
dîk derûnim ser ce no coşan
yek yek peyda mo gewher firoşan
xełat mekiryo fîrqey mey noşan
fewt û fena mo giroy ałoşan
şexir swaran nîyen hamloşan
swaran ẍeyb dunya mepoşan
sef ařay leşkir ce çehar goşan
pey qetił û qîtał yekser mekoşan
zomřey munkîran mebo perêşan
’eceb kuştar mo têşan we aşan
řewneq dar mebo qedîm qumaşan
dunya mo beheşt seyr û temaşan
’edwî ehlî beyt derûn xiraşan
yekser batił mo sum sełaşan
cay bî’sel mesîr mebo wecaşan
zyaney dozex şêx û mełłaşan
xud bîn, xud pesen nîyen ḧeyaşan
defter dar meko yekser cyaşan
weẍezeb mebo kar řyaşan
tarîk mo zułmat şu’ley çiraşan
temam qeti’ mo melca û penaşan
haşa pêẍember naka řecaşan
er xuda ce ’ebid wêş nebo řazî
fayde nedaro sed mełła û qazî
xalîq ce me’bûd er nebo xoşnûd
řecay pêẍember hîç nedaro sûd
gunam kîbaren wezin hezar řetił
me’lûme aliftinh akbir min alqitilArabic
yum la yinfi’ mal wila binunArabic
ce ayey furqan kerden řehnimûn
ala min atî alilh biqilb silîmArabic
teḧrîren ce suḧif kelam qedîm
qet waten nimaz sum çenî selat
menfe’et daro pey řoj hey hat
herkes salim bo we dił û we gyan
webê pirs û co yidxil alcinanArabic
ce qalwa bilîArabic ce wi’d alu’îdArabic
kes nimezano şeqî ya se’îd
mer xalîq we wêş zano kê xasen
kemter gişt ’alem mełła ’ebasen
wila tiqnitiwa min riḧimة alilhArabic
umêdewaren padşah û geda
bełê weḧedîs delîl û burhan
xalîq we mexlûq wêş kerden beyan
me’lûm ce fîrqey gunah karanim
kelb kemterîn qapî yaranim