qeyd zencîrim 3
bo feqê ḧeme ḧeyder
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
372 views
qeyd zencîrim ...
bira ne qel’e qeyd zencîrim
wedest ḧirs û nefis yekcar esîrim
çemeřay řeḧmet şay xeyber gîrim
daym zîkir heq her han ce wîrim
giriftar wedest nefis bê pîrim
ga gahê diłşad gahê zwîrim
ga gahê ’aqił gahê mizwîrim
delîl ḧayrîn biker dest gîrim
werne musteheq bî’selmesîrim
yaheq řewşen key xaney zemîrim
lahûrin şehirim biker te’mîrim
’eynelqelb mesdûd hem bê besîrim
axirim çêş mo nîyen xebîrim
yařeb bwexşî guna û teqsîrim
dexîl defterdar tonî emîrim
çunkî ney came ewlad mîrim
do’am mustecab řast barî tîrim
dexîlen ya ced hawaren pîrim
cey serdî sa’et zyad ker nwîrim
ce řojî ezeł çêş mo teqdîrim
mebo bwînî er sed feqîrim
îftadey meydan ce menził dwîrim
ya dwazde îmam biker teḧrîrim
ga gahê co’an gahê hem sîrim
lem bê wefaye nimaço têrim
erê meşke řeş le kwê bot bêrim
musteheq wenan xubiz şe’îrim
er sed extyarim řewşen zemîrim
xeyałat kerden zeber û zîrim
çe lay munkîran beden teswîrim
giriftar we dest qewm şerîrim
ce sebit tomar kiryan teḧrîrim
er nêk û er bed nîyen cewîrim
ce bed etwarî nîyen qiswîrim
dexîlen bira biker tedbîrim
ga gahê sałḧ gahê mizwîřim
perê giftugo suxen pezîrim
muḧtac dîdar c ...Missingm ẍefîrim
ga gahê mefqûd gahê sefîrim
gah şane me’mûr gah çûn ḧerîrim
gah canşîn yer text serîrim
bêzar ce dîdar ehil germe sêrim
şeřim zyaden hîç nîyen xêrim