ḧacî zułmaten
bo mam muḧemmed derwêş ’elî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
448 views
ḧacî zułmaten ...
seraser dunya yekser zułmaten
ehil heq temam gişt bê beraten
îdarey zuxaw dewrman îḧaten
delîl ber heq dîdem neřaten
řoşnayî diłim her tom qinyaten
ey dunyay fanî axir mematen
lizûm ḧurmet weqit ḧeyaten
ehil heq me’lûm piř zeře û zaten
řoḧ řewanim mełła fîdaten
zatê wêney to ce dunya qaten
yaristan peywest gişt weyek çaten
wardey munkîran qend û nebaten
xorak yaran zehir û fetaten
we’dey nezdîken wext hey haten
kak ḧacî, mełła, fîday xak paten
pey mał dunya weçî heraten
barkêş ḧemał temay kiraten
mełłay xoş suxen ’eceb xeyaten
ẍelẍeley aşûb turk çenî taten
ey mełła meraq puxte kałaten
şewq dîndarî ’eceb ḧałaten
perê bîmaran giftar şifaten
pey řagey yarî şewq û sefaten