aẍa eş’arim
bo seyîd ’elî neẍe
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
268 views
aẍa eş’arim ...
eto nekyanay cewab eş’arim
eto ḧekîmî emin bîmarim
wetîr bedan derûn zamdarim
dexîlen pîrim řûd biker çarim
keştî negirdab beḧir xunxiwarim
newaçî mełła nekerd îxbarim
amanen murşîd biker bêdarim
kelam tefrîqe naşî swarim
kota xizmetim webê kirdarim
cey dunyay fanî xeylê bêzarim
gîr werdey gerdab nefis bedkarim
camey mecazî bîyen we zînharim
delîl ḧayrîn bisaznî karim
’aciz û meḧzûn zelîl û zarim
hîç kesê nîyen bido dest barim
ẍusey ey cîhan řêznan demarim
pey řehnemûnî dił întîzarim
we dest namerd nekey şikarim
ceřay heqîqet têk ney efkarim
şadî we mîsqał xem we xerwarim
her wixtê zanay ce toy mezarim
mîhman dunyay ey řa guzarim
mest řoy elest dîdey xumarim
xasîm nekerden bed bîyen karim
êsta peşîman xecałat barim
ya heq řast barî wezin eş’arim
sînem piř xezne gewher bo barim
ya rib ali’badArabic bişnew hawarim
pey řagey ẍełet nekey îcbarim
’asî ’usyan bar hem şermezarim
naqîsel ’eqilim nîyen kirdarim
hem extyar û pîr derûn bîmarim
kelb astaney dułduł swarim
ya zat mewla tonî mî’marim
xerabe zaren lahûren şarim
pey şay xurasan bende zewarim
bê pare û bê pûł webê dînarim
şerbet şîrîn bî wejar marim
esîr û meḧbûs qeł’e û ḧesarim
wêney dar bîd daym bê barim
bed xûy bed exlaq saḧêb weqarim
bê sebir û bê ḧîlim ce qîn û qarim
daxił we giroy zumřey bed karim
bê yar bê yawer zułmatî tarim
ce te’ney munkîr hîç nîyen ’arim
çun geday muflîs wêł nam şarim
çemeřay mewsim fesił beharim
yaheq sebûk key giranen barim
dił piř ce weswas derûn ẍubarim
çenî nezanan weham cewarim
perê hamsayan hem wefadarim
nabîna û ’elîl bê kesb û karim
ce nam yaristan bê î’tîbarim