feqê xasenan
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
437 views
feqê xasenan ...
’aqîbet dewran perê xasenan
nîkan gişt wedes bed herasanen
xawenman xalîq kes bê kesanen
esłen jar noşî peyman asanen
îmdad řesman şay xurasanen
kase piř bîyen cejin dostanen
îşełła dewran heq peristanen
meẍrûran xeceł dewr řastanen
şadî şewq û zewq derûn mestanen
diłman şexte bend çun zimistanen
derûn saf wêney kemer hestanen
cîhan piř aşûb ’ecîb dastanen
lêşaw leşkir çe kohistanen
da’îm mewaçî xalîqî ekber
necatman bider çe î derdeser
çenî gişt fîrqey yar dił teyar
wedest namerd newîn giriftar
penaman berden we şah necef
selamş henen pêt ḧacî xełef
řeḧim û şefeqet, ’edil û ’edałet
derûn ce ey cah xuda dexałet
sełamş henen lêt, biram kak mecîd
we qewl yarî bestenman umêd
mîm emne çenî dayeş seyîd ’umer
sełamşan henen wecan û ciger
xuda ḧel meko peyman muşkîle
sełamş henen hem ḧacî gułe
mubarek çenî aẍa seyîd qudret
destitan maç eken bê muzd û mînnet
baqî yaristan ehil topzawe
sełamşan henen gişt weban çawe
sałamim henen we cemî’ yaran
xisûs sey cemşêr sadat goran