ḧacî gyan serden
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
246 views
ḧacî gyan serden ...
me’lûm bo ce lat zemane serden
’alem gîrwerdey ’ezab û derden
fîrqey feqîran ce berdełberden
fîkir û xeyałim pey aday qerden
daxekem mełła webê ham ferden
załman zordar teme’ mał kerden
giroy mezłûman teb’îd û terden
ḧekîm ḧazîq dewaş pey derden
herkes medîwin bo daym řû zerden
cey wext û zeman xasteren merden
nek dexîl we sef namerdan berden
eḧwał perêşan derûn piř derden
awêney zemîr hem mufşeq kerden
cey serdî sa’et yaran bê nerden
wêł û sergerdan řûman ce herden
êstake dewran załim û cerden
xunman bî we aw zemîn bê werden
zułim û te’edda gişt heq wêş kerden
ce řoj ḧesab deyniman we gerden
ḧirs û nefis îman lêm cuda kerden
çend înzar kerdim weseda kerden
fa’îde nedaro news zor awerden
oylkey îmanş gişt çe paw kerden
kafîyen ḧacî nesîḧet kerden
çend hezar xasan aman û wêrden