ḧacî gyan temam
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
386 views
ḧacî gyan temam ...
me’lûm bî ce lam ḧesad bî temam
îne çend witxiten namanî welam
umêdim henen dił bo şadukam
wexten xełas bîn cey derd û alam
cey serdî sa’et êdmanen meram
şewq û zewqiman bo we lezet û tam
cey sał marda dił gêru aram
zemîr diłşad bo cey deẍdeẍey xam
şerabelḧerîr binoşîn we cam
keştîman berşo cey gêjî zelam
kota xizmetîm nutfey nawekam
mer zat bêçûn beyo wehanam
werne meḧałen xełas bom cey dam
mebo wêran bo mekke û mîsir û şam
axirş hîçen dunyay bed feřcam
weca memano niqûd û te’am
pey fîrqey bedan xoşen bê îlham
çen esp tazî menden bê lecam
hîç dił teng mewe perê qerz û wam
fîday řoḧit bam feqêy nîk nam
cwabim bider baqî walsilamArabic