ḧacî yaranim
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
412 views
ḧacî yaranim ...
kelb kemterîn qapî yaranim
nemeden quwet car caranim
wêł û sergerdan ser dyaranim
gîr werdey gerdab dest ẍaranim
çemeřay řeḧmet yar û yaranim
xeylêwen muḧtac we dîdaranim
çemeřay îmdad şah swaranim
yekcar kem bîyen nûr ebsarim
dexîlen ḧacî bikerdê çarim
te’ney munkîran giran kerd barim
şadî we mîsqal ẍem we xerwarim
xasîm nekerden bed bîyen karim
êsta peşîman xecałat barim
ya rib ali’badArabic bişnew hawarim
pey řagey ẍełet nekey îcbarim
kota xizmetim webê kirdarim
kelam tefeřuq derûn çun jarim
dexîlen tebîb temam bîmarim
cey serdî sa’et biker tîmarim
guriftar wedest nefsî bedkarim
camey mecazî bîyen wezînharim
piř şewq û piř zewq derûn çun narim
musteḧeq we xak merdey mezarim
ga gahê bed xû webê etwarim
ẍussey ey cîhan řêznan demarim
ga gahê meẍrûr saḧêb weqarim
giftarim hezyan be wêney marim