natewawenmê
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
344 views
natewawenmê ...
ḧacî ney came natewawenmê
da’îma meşẍûł qîl û qawenmê
derûnman suzya teşney awenmê
wacîbat naqis gird řûsyawenmê
keç şerit, keç řeftar bawełbawenmê
pey cîfey dunya tund û tawenmê
ẍafił ne erkan ce goş gawenmê
bê şewq û bê zewq derûn qawenmê
axirş muḧtac topê cawenmê
cey qeyd zencîr dunya pawenmê
esasen qedîm ce serçawenmê
bełê çenî yek zor xirawenmê
er sed cagey xoş ce berawenmê
daym çenî yek daway dawenmê
ehil namirbût webê xawenmê
teb’îd metřûd qapî fawenmê
ceřa gişt be’îd zor kezawenmê
axir ser’encam ce quřawenmê
pey nuqsanî yek her ce řawenmê
yekcar tund û têz çun tîzawenmê
darman gişt bê ber temay sawenmê
#
ḧacî gyan řefêq řagey gawenmê