kak ḧacî dyar
şîwen bo mam muḧemmed derwêş ’elî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
374 views
kak ḧacî dyar ...
ye çendê wexten nîyenî dyar
xeylêwen çemim nekeften weyar
peř û bał suxte çun perwaney yar
ce kuncê xełwet girtenim qerar
bêzar ce erkan ta’îfey şikdar
meşẍuł me’îşet lêman bît bêzar
perê dîdarit ham çe întîzar
watim ḧacî gyan ha çe toy mezar
cew bone lêman nîyen xewerdar
er zînde bya cey dinyay ẍedar
mama welaman weçar û naçar
lazim yek şîwen perêş kem we yad
dax derûnim biderî webad
ḧacî muḧemmed derwêş xasim řo
bêzar ce dîdar sey ’ebasim řo
xałîs û muxłîs gewher nasim řo
gîrode we dest qewm nařasim řo
derûn piř ce ’eşq bê weswasim řo
yar řay kawe duř şunasim řo
bê řaz û řoyet bê îẍmasim řo
zulfeqar wedest têẍ ełmasim řo
bawey mam eḧmed mam nî’metim řo
duř giran bar weqîmetim řo
gîrwerdey mîllet qewm lûtim řo
îdarey weytewr zeqnebûtim řo
biray muḧterem mam zahîrim řo
mize çeşnî nûr goşt bahîrim řo