feqê bêzarim
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
271 views
feqê bêzarim ...
çî dunyay fanî xeylê bêzarim
gîrodey gerdab nefsî bedkarim
camey mecazî bîyen we zînharim
’aciz û meḧzûn zelîl û zarim
hîç kesê nîyen bido dest barim
we qapî xalîq umêdewarim
pey řehnimûnî dił întîzarim
şadî we mîsqal ẍem we xerwarim
herkatê zanay çe toy mezarim
mîhman dunyay î řah guzarim
mest řoy elest dîdey xumarim
mat sergerdan te’ney eẍyarim
ce dest munkîran firê ẍembarim
ya heq řêk barî wezin eş’arim
sînem piř xezne gewher bo barim
xasîm nekerden bed bîyen karim
êsta peşîman xecałat barim
ya ḧey bişnewe dad û hawarim
pey řagey ẍełet nekey îcbarim
wêł sergerdan kûçe û bazařim
ẍussey ey cîhan řêznan demarim
we kelb yaran biken şumarim
sařêj mebo zam girdîn bîmarim