kak feqê cwab
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
462 views
kak feqê cwab ...
çend şî’irim kyana nenwîsnay cwab
dunya nemenden wexten bo xerab
be ḧukim bêçûn padşay wehab
me’mûr amaden we te’cîl û tab
ḧurmet qelîlen ce dost û eḧbab
merdan çenî zen bîyen we erbab
cahîlan meraq ’areq û şerab
meger çe axir dił gêro ḧubab
nêkan xełas bo bedan dił kebab
hezaran ama çun efrasyab
cey deryay fanî nîgûn bî ẍerqab
yekser munafq şêx çenî şebab
ce mał ḧeram meken îktîsab
aşnahî ezeł gişt bî we ecnab
bêgane meşẍuł ḧedîs û kîtab
ce hîç beşerê nedarom ’îtab
feqê ’ezîzim ey ’alî cenab
wêş maro weřam er xêr er sewab
bendey řûsyawim ḧilmî alalqabArabic
hatif wey tewre kerdenş xîtab
qerar nedaro mahî ce řûy ab
çew ga mo metîn kûrey aftab
şeban ta beřoj hîç nedarom xab
wexten pey yaran bibo fitiḧ albabArabic
xełas bîn ce dest çingał qesab
xuda beraro keştî negerdab
hawar firyad řes cergiman bî xunab
we yanizde mesre’ şî’irim xoş me’ab
pey feqêy xasim kyanam we şetab