feqê peywesten
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
450 views
feqê peywesten ...
hefit ser ney dunya we yek peywesten
dû serş bê řoḧ řeqen şiksiten
penc serş řoḧ dar çun şêr mesten
wesuret temam efkarim sisten
cwabim bider fikirim dirusten
carê nawekam mêwem neřisten
ẍusey ey dunya qapî dił besten
we’de nezdîken dewwiran pênîsten
bedan guriftar quřawê xesten
fîrqey meẍruran weqar û hesten
’aqîbet meḧrûm dîwan elesten
we pîr û delîl yeqînim besten
firyad řesman cwan, azîz new řesten
leşkir sefa sef deste we desten
perê załman daym ce qesten
nêzedar mişẍuł pêkan şesten
luqman ce ’îlac bîmar û xesten
derûn zededar ce ḧerf gesten
her kes berz lwa axirş pesten
giroy dił teyar çapuk û cesten
nek çun ey feqîr lung û ahesten
beheşt ey cîhan dîdar dosten
řehber gyan penhan muẍiz çe toy posten
’îtabim henen ce aẍa cemşêr
weçî şam nekerd ce yaney feqîr
ḧazir amade aş kuleke
xadîm xaxam wêney culeke
çaym ḧazir kerd we gyan û we dił
teşrîf aẍam meyo we menził
beyanî amam ke persam xewer
aẍam çayş ward çe xaney kemter?
watşan ew lwa pey ’ednanîye
mełła xecałat peşîmanîye
weytewre mebo şerit feqê û mełła
aw êran warden bîyen tewella
henî kafîyen dirazî guftar
selamim henen we fîrqey gişt yar