hezaran selam we mam miḧeme
bo mam muḧemmed
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
458 views
hezaran selam we «mam miḧeme»
derwêş muxłîs doşt eqdeme
řewneq meclîs zewq û zemzeme
çend te’rîf bikem hêman her keme
çe derûn berker xeyał û ẍeme
wexten řewşen bo ey tarîk teme
her kes binoşo cewr û siteme
qał mo ce kûrey saḧêb kereme
leşkir amaden şořişt hem heme
xewerdar bumê cey wext û deme
delîl destigîrin nûrî dû çeme
mewyanom we pay qetar û řeme
zemîrit řewşen çun şewq şeme
çun saz xoş xwan piř zîl û beme
załim giriftar derd û eleme
demarê şêtî çe toy kelleme
feqîran mes’ûl webê meḧkeme
şikest xas nimo we sed mecleme
munkîran wenêş qiłinc û qeme
we zerb satûr medřan leme
firyad řes mewcûd ha ce wer çeme
bedan giriftar meḧrûm ce şeme
ye feqîr waten webê hamdeme
eş’arim xałîs dwanizde řeqeme