bira xewerit
name bo mamostay benawbangî kakeyî «sofî řeşîd hawarî»
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
371 views
bira xewerit ...
ye çendê wexten naman xewerit
mewî we ẍułam řewşen beserit
yek ’eşqê sewda ha ce toy serit
yekcar şîrînen bar û semerit
qaymen weḧeq pişt û kemerit
ce ḧał bende beyo nezerit
noş gyanit bo wardey kewserit
***
nuxt - -Missing temam îzhar bî
awazey xoş ’eceb îxbar bî
temam ehil ḧeq yekser bêdar bî
me’lûm jar noşan gişt wefadar bî
daxił we fîrqey şay xawendikar bî
wardey munkîran we jar mar bî
firyad řes ḧazir xudaman yar bî
î derd û mîḧnet pey yar - -Missing bî
perê bêdaran fesił behar bî
şerit - -Missing çey sał mar bî
şadî ken şadî yar xewerdar bî
bende pey yaran wexzimet kar bî
çe çwar ’enasir şu’le dyar bî
peşêwî îqbał giroy eẍyar bî
qanûnê taze çe beẍda şar bî
řefîqiş ama weneş hamyar bî
zumřey bed tînet temam şikdar bî
urdû hîcawe leşkir swar bî
ce çwar goşewe qetił û kuştar bî
ey nûr ’eynim, mebo hoşyar bî
cejin yaranen xane me’mar bî
hetake îmřoj dewr sitemkar bî
eḧwał perîşan feqîr hejar bî
şikat qebûł bî qeyd defter dar bî
emir sendey heq delîl dyar bî
heq mezłûman yek we hezar bî
xûn şehîdan çe toy esrar bî
çe dimay xefet şadî dyar bî
sef tane kêşan yekser namdar bî
xizmet û kirdar neşest tomar bî
heq waç çun mensûr teslîm we dar bî
mayey dyanet şerit û îqrar bî
zebûnî tał’ qewm işrar bî
çun yaran sakin goşe û kinar bî
zat ya ’elî we meded kar bî
bîst û yek mesre’ temam eş’ar bî