yar hamferdim
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
247 views
yar hamferdim ...
yarî duř şunas tonî ham ferdim
mebo bikyanî dewa pey derdim
byawî we dad henasey serdim
melûl û meḧzûn dest namerdim
çe bedbextî wêm şikatit kerdim
da’îmelmedam çe ber deł berdim
sebeb ce êden yadit nekerdim
çerx keç řeftar řast nawerd nerdim
çe dûrî dîdet erwaḧ siperdim
çend teqelûbat çe dunya werdim
xasan xełas bîn min mam nemerdim
şeban ta beřo namit mewerdim
çe lay xas û ’am mediḧit mekerdim
çe bed etwarî daym řû zerdim
çey mułk û weten mekeran terdim
perê giftûgo min swarê merdim
yek filsêm nîyen pey aday qertim
bê şewq û bê zewq zyaden derdim
hîmmet çe qapî yar tełeb kerdim
ya ḧeq řast barî mewzûn bo ferdim
çey zemaneda xeylê dił serdim
řewan bibo aw nam werd û çerdim
giriftar wedest nefis namerdim
da’îma meşẍûl î cirit û fertim
giriftar we dest qewm bê şertim