yaran dîndarî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
420 views
yaran dîndarî ...
weytewre mebo řewyey dîndarî
eşk dimû’im çeno bî carî
saḧêbman bîyen lêman bêzarî
ẍułam muxlîs nefis ẍeddarî
dost bêgane duşmin we yarî
we dest ḧirs û nefis zelîl û zarî
’ebid zeř xiřîd hem gerdin larî
ḧeseb ḧał mekem çe bêqerarî
mewt amade bî pey girdîn şarî
amraz weqit mekem weẍem kosarî
îḧzaren řoḧim pey noşay jarî
nefis emmare çun gurg harî
supay îmanş kerden qelarî
nefis mutme’în kerden qerarî
çe řubi’ meskûn wenadyarî
berg şał biker qedîm etwarî
fa’îde nedaro lîbis kîbarî
mer zat ḧeyder bibo swarî
ber aro çe bêx řîşey bedkarî
werne meḧałen şewq diłdarî
nemenden we’dey hend û hezarî
xasî qeti’ bî bed we bisyarî
çe řûy erz nîyen şexsê namdarî
fayde nedaro dad û hawarî
çey wext nemenden řay î’tîbarî
kê xełas mebo çey înḧîsarî
bê řah mendenim ney şewgar tarî
daym meşẍułim westem karî
wesen ey bedbext merdim azarî