yaristan qyas
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
365 views
yaristan qyas...
her kesê we nefis wêş kero qyas
bedî mekerdê bigêrdê řay řas
çe dîwan ḧeq mewdê îstîxłas
parêz bikerdê diłtan çe weswas
megnidê we şon ḧerf bê esas
kase piř bîyen nigûn mebo tas
amaden pey qetił ḧezret eli’bas
me’nay yar çêşen budê duř şunas
kîne kêş mewdê be wêney biłbas
ya ḧeq ce dergat mekem îltîmas
diłî yaristan çe no bikey xas
gewher bê qîmet bazařim kesas
sedadim çe dest giroy ḧeq nenas
qiseşan wêney xedeng û řesas
ey biraderan çe gyan bîm heras
mebo bipoşî qetranî lîbas
wêł bî neşaran çun geday îflas
nimez çêş waçom ya ayha alnasArabic
fitney fesadan çun dêw elxenas
çêştanen çenî hamsayan xas
ẍeybetşan meken weçep û weřas
we fisq û fasq wes bikerdê bas
hey dad hey bêdad cergim bî pełas
perde medřidê be wêney kirbas
xuda şahîden mestano qesas
ye watey mełłay zumřey giroy gas
bêzaren çe dest mexlûq nařas