merdiman nimaz
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
1 minutes
364 views
merdiman nimaz ...
giştiş batłen î zikir û nimaz
çe hezar yekê hen saḧêb î’caz
tekye nişîn bo murşîdî mumtaz
tûtî derûnim mekero perwaz
lazmen keron we suxen aẍaz
tertîb kem kîtab we sed ’îziz û naz
tirsim bifroşend be nirxî yek pyaz
pey danş danan girtenim eraz
emsalş nîyen çe misir û şîraz
xelas newîman çey řah diraz
nezdîken ’alem bibo înqiraz
kerkes çun mebo we hamřay şehbaz
çêş keron çe dest î yar dem saz
hîlak bîm we dest î nefis guraz
ẍeyr ez yek kifin nyenman cîhaz
mexlûqat meşẍuł we ḧîle û enbaz
ḧedîs namesmu’ ’alem serfiraz
merdiman meraq semtûr çenî saz
wezu bidey kelam meken î’tîraz
simêł mepaçan we têẍ û mîqraz
be ẍeyr çe xuda kîyen sebeb saz
#
kafîyen mełła kota biker řaz