aẍe fîdatim
name bo seyîd elyas
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
493 views
aẍe fîdatim ...
aẍe gyan qurban temam fîdatim
da’îma muḧtac deng û sedatim
muntezir we emir we’de û se’atim
îmsał we xizmet yaran nehatim
ye xeylê wexten biřyan beratim
’aciz û meḧzûn çe goşe matim
bê şewq û bê zewq webê xełatim
liqa alilh aliḧqArabic medo qinyatim
bêzar çe dîdar ḧorî cennatim
mebo bipersî dad û şikatim
perê aẍay wêm î şî’re watim
çey serdî se’at tełxen ewqatim
çe dûrî yaran zor xecałatim
extyar pîrenan bê destełatim
hemîşe meraq xak û pay řatim
me’yûb mexłût řûy serbesatim
nadan muflîs webê eqwatim
çey serdî sa’et derûn zułmatim
mer zat bîçûn bido necatim
daym çe dû’ay defi’ bełatim
er qebûł kerî bende mełłatim
muqîm çe terfî’ şewq û celatim
şeban ta we řoj her çe senatim
er tałbenî daym çe latim
diłşad mesrûr şewq û xenatim
bełê çî zeman kem îltîfatim
aẍa gyan her weqit min we tematim
bełê çe î weqit webê ta’atim
bê yar û yawer webê ḧałatim
yaran řeḧim ken weḧał ḧeyatim
şîwen bêhûden bi’d almimatimArabic
fîday řidên, bejin û bałatim
mebo goş bidey we melaqatim
we hîmmet to xoş eş’aratim
ẍayet lezîzen gişt meqalatim
pey sałê henî sewz mebo katim
perê hîç şexsê î řezim newatim
gişt we řimûzen yekser ebyatim
muḧtac ustam kemen ałatim
ẍayet lezîzen kar û sen’atim
ustad kamił weto řec’atim
çe zahir sewab xefa penhanen
nîk û bed çelay xalq ’eyanen
ḧeyat û memat çelam sîyanen
çi ḧacet we ḧerf watey beyanen
î nefis ẍeddar xetay kêmanen
’aqbit alamirArabic merden řêmanen
nefis emmare daym ’îsyanen
nefis mutme’în qanî’ wenanen