azîz gyan mayey jîn û zînganîm
From the Book:
Dîwanî Mîne Caf
By:
Mine Jaff (1911-1965)
1 minutes
681 views
azîz gyan mayey jîn û zînganîm
mayey zewq û şewq ’umrî cwanîm
řeḧmê ker we ḧał êş zamanim
we nałey we soz nîwe şewanim
pey to wîyerdim ce ḧukmî şahî
wêm kerd we ẍułam we zeř sînayî
pey to guzeştem ce mułk û kîşwer
byem we ’ebdî daym des nezer
pey to wîyerdim ce şehryarî
wêł û awarey herde û kosarî
to wêt mezanî ’umrî şaym bî
řutbey ḧakmî û karfermayîm bî
çun salarê bîm ce serḧeddaran
serḧeddarê bîm ce naw serdaran
wêney tacdaran daray efser bîm
ḧukmidar we ban wiłge û kîşwer bîm
pey dîdey syat gişt dam we tałan
kerdim we serbeş yanem ce małan
sa toyş dîde gyan řeḧimit bo cela
xewfit bo ce řoj meḧkemey ceza
bawero řeḧmê we ḧałekey min
we kizî derûn zuxałekey min
we eşkî hûnaw dîdey nimînim
we zarî û sozî zayełey şînim
bewyer ce mînePen name wey eḧwałewe
dił we êş sext dem we nałewe