bira gyan emşew to kos nûten
be ziban xald begî řeza begewe, beşwên koç kirdinî nazarekeyda
From the Book:
Dîwanî Mîne Caf
By:
Mine Jaff (1911-1965)
2 minutes
449 views
bira gyan emşew to kos nûten
nîşaney zarî û zayełey řûten
we dûy henasey çyay zebûnit
cela der we naw kûrey derûnit
emşew ne şomît zayełey zengen
eway kejawey leylî guł řengen
maçan koçî xêr leylit nebaren
emşew neşumit zayełey zengen
we taqîq emşew kos alkosten
nałe û waweylay dumay dosten
waçe wê řoyî ew şoxî dulber
wey řoyen lwan nazarî kîşwer
weyřo sercemen min dêwnan emşew
binçîney şayîm şêwnan emşew
dił ce dûrî leyl keften we heras
germe şînmen dû’ay leylî xas
fełek tebdîl kerd şadî û wesił leyl
we zarî û şîwen ne toy diłey keyl
wey řoye neway tilmît barane
wey řoye dumay koçî yarane
wey řo xermanî ’eyşim sûzyan
wey řo min azam yek yek řêzyan
wey řo pey diłey mar geztey karîm
wey řo perê derd nadyarîm
wey řo cey sewda yawenan we pêm
řîswa û ḧeyran min ce derdî wêm
bira gyan gerdûn ye řeftarşen
dił we hûn kerden axir karşen
mezanom emşew xatirit řêşen
sed xarî dûrî tîrî xem nêşen
ẍerqî gêjey ’eşq gîrî xemanî
awarey herdey dûrî cananî
----------Missing
dûmayî xem kotan nemano ta ser
her kesê we meyl leylê dił keyl bo
mebo ew mecnûn herde û duceyl bo
mebo ẍerq gêj syabextê bo
gîrodey toř daw zaman sextî bo
#
mebo çun ’ewdał kełpûs nekoł bowe daym zerdî zamî hîcran bo
hamřaziş nałe û şîn û giryan bo
xorakiş kebab dił ewgarî bo
wefrawiş hûna û zamî karî bo
leyl mebo çun leyl bişo we êłax
’aşiq çun mecnûn suçno we dax
řewêdey nazaran sefa û seyranen
pîşey ’aşiqan hana û giryanen
her kes we meylê leylî ’ewdał bo
mebo çun mînePen name we koy zûxał bo