yen we tîẍ êş ḧeme dił xisten
şînî «ḧeme»y kuřî mîne caf û «xesrew»y kuřî dawid begî mamî
From the Book:
Dîwanî Mîne Caf
By:
Mine Jaff (1911-1965)
2 minutes
481 views
yen we tîẍ êş ḧeme dił xisten
we mergî «aftaw» wêney mar gezten
we ew řeng girpey êş cergim suzna
ser ta pay azam yek yek řêzna
qirçe û bizîske û girpey cergekem
herdem pêm eda sizay cergekem
bermyo kizey henasan serd
ce toy zuxawan diłey piř ce derd
nemenden taqet û twana û tawim
çun seylen esrîn xwênawî çawim
wêney bay sebûn bida we bêx ben
wew řeng tawtan sîne û gyan û ten
karê pêm kerden mergit cwananim
ẍeyrez zarî û şîn nyen dermanim
waçe be ko ban komełî yaran
her yek terfeney suqaqî şaran
gelê bigêron we kizey mało
xas xas şîwen ken we tałe tało
tu xwa mame gyan waçe ba ko ban
we kispey cergo lêl min bwaçan
eyřo ye nałey dił ewgarane
eyřo ye şîwen mergî yarane
eyřo ye kizey sya bextane
dengî řołe řoy zaman sextane
eyřo ber le min şêwya řołeřo
řîşey dił xoşîm kêşya řołeřo
qełay amancim řûxya řołeřo
le piř taracim kirya řołeřo
tałî diłşadîm biřya řołeřo
piştî ẍîretim şikya řołeřo
sertelî baẍim biřya řołeřo
xoşî demaẍim senya řołeřo
humêd û hîwam sûtya řołeřo
nîşatim le gyan çinya řołeřo
eyřo çinarî qed kiryagim řo
dû xełfî newtûl tazebawim řu
dû serwî salar cwanî baẍim řo
cûtê gułẍunçey boy demaẍim řo
eyřo dû lîmoy zerd û kałim řo
cûtê kewbazî řişte xałim řo
eyřomen ḧemey şemqar řengim řo
eyřo aftawî şox û şengim řo
şûm û syabext her min ḧemem řo
axir şeř, zam sext, her min ḧemem řo
mil şikya û le ban xusrew gyanim řo
we jan pilkya û aftaw xanim řo
îtir daẍ neda diłit wey daxe
neşkênî demaẍ gewrem wey axe