muddetêke bo ehalî kurdî cergim let lete
yekem şî’ir le 12 sałîda
From the Book:
Dîwanî Mîne Caf
By:
Mine Jaff (1911-1965)
1 minutes
647 views
muddetêke bo ehalî kurdî cergim let lete
aw le çawim ser eka dêjî şepolî ser şete
da’îma wîrdî zubanim û fikir û diłme em qise
bê zemanê ta necatman bê le jêr em zîllete
bûyn be cê taney ḧesûd û xoş demaẍîy duşminan
bexte hełse wextî řeḧme taku key em zeḧmete
pyawî çak bin îttiḧadê pyawekanî kurdisan
xakî kurd fewta nema hełsin zemanî fursete
ḧuřîyetyan da be mîsir û hem be surîye û ’îraq
şexsîyet derken le beyna řojî hewłî mîllete
yektirî tałan û kuştin ẍayetêkî batîle
şořş û ẍewẍayî naw xo şîweyî cehlîyete
gişt le ser zyadîyî yek bîn des le kuştin hełgirin
emřo gişt qewm û gurûhê saḧîbî ḧuřîyete
xwênewaranman eken koşiş le şwên em ẍayeye
ta necatî den le jêrî ḧukmî ẍeyr em mîllete
xwênewaran bê des û hem êwe bê efkar û hoş
kê bika daway ḧuqûqê, quř be ser em mîllete
mînePen name řoḧî xoy fîday ber pêy şwankitan eka
wextî xew řaburd û subḧe, takû key em ẍefłete