şewê wext řo
From the Book:
Dîwanî Xanay Qubadî
By:
Khana Qubadi (1704-1778)
2 minutes
1000 views
şewê wext řo, şewê wext řo
şewê pey teqdîr, wadey wext řo
ce guł baxçey, ałay ’enberbo
bîn be duçarim, dû şexis şeřco
herçêke min dîn, leb be qîn gesten
pey kuştem derlad, herdû beyn besten
ce hîçkamşan, řay aman nedîm
bawekuşteşan, çiman her min bîm
hurêza be xeşim, dest be neyewe
ew dest be qebzey qews wiyerewe
zanam xeraben, çenîm qestişan
amam bugrêzon, min ce destişan
ney be dest qaym, gîrim da be ney
take qews be mişt, ne qews peř pey
teyyar kerd xedeng, min nałam ce ters
watim:hey sermest hîç hewał nepers!
mer ye wes nîyen ’areb tey
řefîqit girten, beytewr min bey ney
fîday bałat bam, sewzey kemandar
hîç zerûr nîyen bikêşî azar
min neçîr mufit, ey dîde mestim
min kuştey sînan, ey ney be destim
ta ke îd şineft, ew kiłaf muşkîn
xirabter ce xeşim, şî ne camey qîn
nexşî piřmuşkîn, řeha kerd ce şest
mewday xedengiş, řîşey cergim gest
sist bîm ce sa’et, ce ser şî hoşim
ama be tacîl, qaym girt goşim
kêşa, wat: ne ne quřimsax xanaPen namey
min ce ney be dest, beł kemter zanay
sa ba beytewre, şûm herzego
...............!Missing tîrewe liqefřêt bo!