hey yaran nyan
From the Book:
Dîwanî Xanay Qubadî
By:
Khana Qubadi (1704-1778)
2 minutes
786 views
hey yaran nyan, hey yaran nyan
nefes şûm, sed daẍ we cergim nyan
nehgarîy diłim lêm bîyen ’îsyan
řayexim we merd, to nekşay we jyan
mer nebîwłiła ’ezîm enbyan
bwazo şîfam, werne řûm syan
çun bêş’ûr û şêt bêçarem
hemsayey merîx, zuḧel sitarem
bazim werdey dest nefis emmarem
ce sûret musḧef çun dêw awarem
mer «xatim alirsil, amilḧ aladyanArabic»
bwazo şîfam, werne řûm syan
ax wey min, pey wêm fire diłgîrim
şerîk şeytan şûm şerîrim
ce jeng ’îsyan, taren zemîrim
tewḧîd wita’et, şîyen ce wîrim
mer şefa’etxiwazîy zumrey ’asîyan
bwazo şîfam, werne řûm syan
xanemuqêřiřim min be gunay wêm
heway nefis şûm, îne kerden pêm
be wêm mezanan, xeraben xedêm
herçe wêm kałan, gişî meyo neřêm
meger ke şafî’ zumrey ’asyan
bwazo şîfam, werne řûm syan
’eceb çun şeytan be wêm meẍrûrim
toşey qyamet nîyen zerûrim
fire naferman ce řay ḧeq dûrim
çiman ce yaran we pay sebûrim
mer hem «miḧimd xîr alanbyaArabic»n
bwazo şîfam, werne řûm syan