namey zułeyxa
From the Book:
Dîwanî Xanay Qubadî
By:
Khana Qubadi (1704-1778)
1 minutes
842 views
sersamim kerden, sersamim kerden
xana diłgîrît sersamim kerden
bew şa ke agay řûy piştî perden
pey kemdemaxît îmanim herden
ełbet çendêwen to kemdemaxî?!
hamřaz meynet şerîk axî?!
nam ce diłgîrî her ax axten
yan pey zułf û xał kesê daxten
yam ce des kesê xatirit řêşen
’aqîbet be xeyr, gunay min çêşen
er ce dułberîn diłberdey eyyam
şerḧ diłgîrît, me’lûm ker ce lam
şerḧ beyan ker xaqanî xame!
şî’ray camî nezim!nîzamî name
řas penem waçe, mîrzam bew kelam
werne menyone ser we mułk şam