nazk nazperwer
From the Book:
Dîwanî Xanay Qubadî
By:
Khana Qubadi (1704-1778)
3 minutes
795 views
nazk nazperwer, nazk nazperwer!
nazk destey zułf syay nazperwer!
kiłafiş ................................!Missing
çîn çîn wiyerden...................!Missing
’etirş bo medon çun ’etir ’enber
her çînê wisten ne yanem çemer
***
sa çon nebo çak yexem ce werda
negêłon çun şêt we deşt û derda?
kiłafey zułfiş aman ce serda
pêç medo çun mar ne řûy kemerda
’etirş bo medon çun ’etir ’enber
wisten neyaney ’aşiqan çemer
***
sîlsîley zułfiş min kerden şeyda
herkes mewînoş megno be weyda
pêçyan çun lûl lawlaw be neyda
tata pexiş bîyen we ban beyda
’etirş bo medon çun ’etir ’enber
wisten we yanem waweylay meḧşer
***
fire şox...............................!Missing
egrîceş cergim çun ...........!Missing
piştiş be desmał kesarî besten
ce gişt xastirş bazney desten
be řûy sîneş da zułf bo ’enber
wiyerd pêç medo çun mar ejder
***
fîdaş bam nuxtey xałş mawîyen
her ḧeb destûrş sendeł sawîyen
herkes ke bînş muşkawîyen
seyr kerd zułfiş beçe xawîyen
xawî xeyateş medo boy ’enber
’etirş mayey muşk wisten be çemer
***
neqiş kemend ce mułk ḧebeş awerden
çîn çîn be doşda serawêz kerden
peřey goşwareş dił perêş merden
pîrozey mawî ne telḧa berden
çemerey...........................!Missing
wisten...............................!Missing
***
nîm teney etłes qirimzen gułzeř
poşa be îqbał wêney sewł teř
pêka be şewbend destey tawis peř
kerden we beydax zułfiş perê şeř
’etirş bo medo çun ’etir ’enber
wisten ne yaney derdînan çemer
***
tekda be teşab zeř nîgarewe
zułf çun dûd ne dewr, ateşparewe
ser be şedey şox beẍda şarewe
be dîdey qetran peř xumarewe
....................................!Missing
....................................!Missing
***
longidarî daman çarşêw peř gułeng
kêşa be serda zerîf şox û şeng
destey zułf çîn qetranî sêweng
medrewşo çun bał tawis ce sed řeng
’etirş mebexşo çun ’etir ’enber
wisten ne nafey muşk çîn perwer
***
ne ḧaşî ḧusin, zułf kerden wiław
çun hewr qetran ne řûy aftaw
mewaroş wene çun waran we taw
řêzey muşk çîn qetrey pay kiław
’etirş bo medo çun ’etir ’enber
wisten muşk çîn, maçîn ne çemer