zunnarim besten
From the Book:
Dîwanî Xanay Qubadî
By:
Khana Qubadi (1704-1778)
1 minutes
911 views
zunnarim besten, zunnarim besten
cew sawe pey to zunnarim besten
şîşey nam û neng teqwam şikesten
e’zam ce badey meyl to mesten
ezanim seday sewday bałaten
qedqametim zikir xał ałaten
ta we zułf û řûy to temaşamen
eday nimay ferz subiḧ û ’îşamen
secadem we hûn zaman řeng kerden
sujdem we mêḧrab ebroy to berden
hûnim çi ḧakim, çi qazîm çi şêx
wacb mezanan biřêzan we têẍ
cař biden we naw kûçe û şaranda
we ’îbretim ken ce bazařanda
bwaçan xanay qubadîPen name mesten
bed’ehdî kerden zunnarş besten
nezanan xana we meylit mesten
canfîday řoj «yum al’elistArabic»en