do
From the Book:
Dîwanî Heqîqî
By:
Haqiqi (1902-1996)
1 minutes
767 views
ey do le dûrît dûrim le xoşî
girtûme bê to derd û nexoşî
ey do be bê to derdim girane
gişt xorakêkim wekû sindane
ey do be bê to cergim kebabe
diłî piř xwênim kasey şeřabe
awî ḧeyatî awatî jînî
suknayî diłî gyanî şîrînî
ta tom nemawî emnîş nemawim
sûta le dûrît cerg û henawim
to ta tirş bî lay min şîrînî
řûḧî řewanî awatî jînî
mezey mizrî to şeřaben tehûr
guł û qezwanit nûrî ’ela nûr
kaseyek le to piř le şîwit û guł
awî ḧeyate û deway zamî dił
be awî kewser dejê meşkey to
pipsî û kanada key degen be do?
te’am ger yeke û eger hezare
bê to xoş nîye û cêy to dyare
awî kewserî ya awî zemzem
bo xwardinewey to nîye jem û dem
piřîşkî meşket baranî řeḧmet
kef û kułeket lafawî nî’met
be girmey meşke û be xirmey bazin
ne her min gişkes awatexwazin
do ya be kałî ya be kułîwî
her dû nî’mete û her dû bijîwî
nadem camêkî dokułîwî yek cem
ne be tacî key ne be textî cem