cwawî aẍa ’enayet bo muḧemmed begî řostemî
From the Book:
Dîwanî Aẍa ’Înayet
By:
Agha Inayat (1881-1957)
2 minutes
862 views
dostekey gyanî řostemîNamed-Entity nejad
namey şîrînit xeman da we bad
eş’arî merbût me’denî şi’ûr
seyqel kiryabê be wêney bilûr
munacatî xas dił pesendîde
wanam û sawam we her dû dîde
ahengî eş’ar fîrdewsît wendim
ce duř efşanît min ḧeyran mendim
eş’arit ce lam wêney şekeren
min ce watey wêm qelbim pekeren
ḧeyfen qatî bo ew şîrîn wey tełx
ew awî safen êd lecen hem bełx
ew daney guher êd sengî xaran
ew parçey ḧerîr êd koney şaran
ew xiştî mî’mar baş hosay yemenNamed-Entity
êd kelare kon gił û xak û şin
fî’len esasey teḧrîrim nîyen
pey sebtiş ayr ne qelbim şîyen
nîgaş medarûn ta derciş kerûn
her wext wesîleş we des bawerûn
qatî patî bo xas çenî xiraw
ta bo we şerbet şeker çenî aw
yadgarîyen pey kesê mano
şayet dirûdê peyman bikyano
wesîleş fewrî ḧazir dyarî
derc kerdim ne fewq pey yadgarî
îzharî me’îwis kem sewadî wêt
bê ’îlim û teḧsîl namuradî wêt
kerdebêt we lam minîç her bew derd
ce kul kes beter kem fam û řeng zerd
dimay penca sał řenc û kerdey wêm
îse sabten me’lûm bîyen lêm
herçêwim kerden kul peşîmanim
her yek derdêwen ne řûy zamanim
îne kul ba’îs bê îtla’îyen
bê xeber ne çerx dinyay fanîyen
bê ’îlim û sewad ce nadanîyen
’aqił key karş peşîmanîyen
baze ba sûçyo wey dax û wey derd
ce herdû dinya meḧrûm û diłserd
bełam ’ezîzim teqsîrman nîyen
meḧel muḧeqqer teng û wirdîyen
medresey ’ilûm ’eqił û fam û bext
ya sayey dîwar ya ne pay dirext
feylesûfî ’eqił kanî me’rîfet
řewac dehendey ’îlim û şerî’et
ew řo nîşaney der we derman bî
mela ’elî mirad, te’lîm derman bî
ew êmeş yawna wey payey biłend
şîx alazhirArabic bî ew pîrî piř fend