sikała le pîrîy û jyanî nalebarî bendîxane
From the Book:
Dîwanî Aẍa ’Înayet
By:
Agha Inayat (1881-1957)
2 minutes
741 views
diłim ne coşen ...
yaran hamseran diłim ne coşen
quł medo wehem bes nexroşen
sifîdî tałem çun syapoşen
qelb mîḧnetbar daym bêhoşen
çen fîkir û xeyał zuxaw ne toşen
kûrey ehenger celaş xamoşen
semawer cew bon her ne xiroşen
kellem bêřemeq midran we pawe
întîzar merg beyo ce lawe
goş bergî nimnak matemî poşan
dîde pey bînş her pa ne ḧaşan
mûy sya meyliş we min nemenden
sifîd ne mułkiş xo bezirş şenden
qirimzî řuxsar xezanş kerden
bad bergî xezan herd ew herd berden
pîrî û cwanî esłeḧe poşan
kemendî pîrî cwanî kêşan
wey tewr giriftar damî ew bîyen
ta axir nefes xelasîş nîyen
dendan xo esłen tuximş nemenden
delakî pîrî ne řîşeş kenden
řuxsarî safim çirç û awêzan
nûrî beşerî ne ew gurêzan
pîrî we supay şeř engêzewe
swaren yek yek we şewdêzNamed-Entityewe
zefer we leşker cwanî berden
ne qeł’ey wicûd meḧsûrş kerden
nimazo yoşan bikeran hawar
her řo yekêşan mekêşo wedar
sêdare ne pay qeł’e ne karen
têxî celadîş ne zehrî maren
desberdar nîyen ta nefes daro
ta axir laşeş we xak mesparo
dinya her wey tewr aman û şîyen
çen hezar hezar ’enayetPen name dîyen